sábado, 10 de septiembre de 2016

Benvidos ao curso 2016-2017. Con moito ritmo

Ola rapaces!!!
Un novo curso xa está aquí, e este imos empezar con moito ritmo. Que vos parece se empezamos repasando os ritmos traballados na clase con estas coñecidas melodías?
Ánimo, imos practicar!!!

martes, 1 de marzo de 2016

El Carnaval de los Animales. Primeiro curso

Aproveitando as pasadas datas de Carnaval, fixemos coincidir o nome da celebración coa obra "El Carnaval de los Animales" de Camille Saint-Saëns; así representaron algúns dos animais os nenos e nenas de primeiro.

viernes, 29 de enero de 2016

Odaiko "Cousas de catro"

O próximo día 2 o alumnado do terceiro e cuarto cursos asistirá ao espectáculo de percusión do grupo Odaiko, que leva por título "Cousas de catro", como preparación na clase aproveitamos para traballar a percusión e os instrumentos de percusión, así como para falar un pouco do grupo. 

http://odaiko.es/odaiko/

Se queredes saber un pouco máis sobre o grupo e os seus espectáculos clicade na foto para acceder á súa páxina web.

lunes, 25 de enero de 2016

Día da Paz "Peixiños do mar"

Entre as propostas do EDL para celebrar o Día da Paz está a cantiga "Peixiños do mar" que xa estades a traballar nas vosas clases; polo que na clase de música imos coñecer a versión do cantante brasileiro Milton Nascimento. Fixádevos nos instrumentos de percusión que se utilizan.

 
Aproveitaremos para coñecer un pouco da vida e obra deste importante cantautor brasileiro, está é a dirección da súa web

domingo, 3 de enero de 2016

Danza Festival Nadal 2015

Aínda que todos os cursos traballamos na clase a danza tradicional xermana "Ku Tschi Tschi", formando parte dunha tarefa interdiscisplinar na que interviron as áreas de Inglés, Educación  Física e Música; tocóulles aos nenos e nenas de cuarto curso representala no Festival de Nadal, quedando así de animada e provocando o entusiasmo do público.

lunes, 28 de diciembre de 2015

Danza de Nadal "Ku Tschi Tschi"

Este Nadal estivemos traballando unha danza tradicional xermana "Ku Tschi Tschi"; á que fixemos varios cambios para que a puideran bailar todos os cursos. Aquí déixovos unha mostra do ben que o pasamos bailando.

viernes, 16 de octubre de 2015

Samaín 2015

Este ano imos celebrar o Samaín con música clásica, polo que vos deixo varias das propostas que traballaremos na clase ao longo destas semanas.

"O Fortuna" de Carmina Burana de Carl Orff



5º Sinfonia de Beethoven


Tocata e Fuga en Re menor de Johann Sebastian Bach

jueves, 17 de septiembre de 2015

miércoles, 9 de septiembre de 2015

domingo, 14 de junio de 2015

43 debuxos animados para unha orquestra sinfónica

Como despedida de curso déixovos este enganchado de cancións de debuxos animados que armou unha orquestra do Carnegie Hall. Corresponden a 43 series. A ver cantas identificades?
Bo verán a todos e repoñede forzas para o curso que ven!!!

martes, 28 de abril de 2015

domingo, 19 de abril de 2015

Maio 2015. Coplas

Como cada ano estamos dispostos a cantar "o maio", estas son as coplas que inventamos co alumnado de 4º, 5º e 6º.

martes, 13 de enero de 2015

Día da Paz 2015. "Apertas que voan"

Xa temos canción para celebrar o Día da Paz escolar, que se celebra, como cada ano, o día 30 de xaneiro. A proposta do Equipo de Normalización e Dinamización Lingüística "Apertas que voan" do músico e actor galego Paco Nogueiras, formando parte do disco "Brinca Vai!".

viernes, 28 de noviembre de 2014

Danza "Jingle Bells"

Xa se achega o Nadal, este ano ademais das acostumadas panxoliñas propoñémosvos bailar ao ritmo desta coñecida canción estadounidense. Sobre a que traballaremos conxuntamente, con diversas actividades, as áreas de Inglés, Educación Física e Música.

  Aproveitamos para dar as gracias á profesora Begoña Rodríguez quen no seu blog "Danzas del Mundo" pon a nosa disposición a coreografía e o audio.